SU SABIU – II ATTO

S'Acuntenta Disijus - Associazione Culturale Teatrale
Associazione Culturale Teatrale – S’Acuntenta Disijus

de ascurtài e de sighiri
Commedia in lingua sarda in due atti.
Scritta dall’Insegnante DARIO SERRA
e liberamente ispirata alle antiche fiabe della Sardegna.

II ATTO

PERSONAGGI: Antoni, Coixèdda, sa Istrìa, la Voce, l’Uomo, le Comparse nei vari momenti.
LUCI: soffuse… oscure e misteriose
MUSICA: misteriose e lugubri.
All’apertura del sipario Antoni è in cammino ed incontra i vari personaggi

SIPARIO

ANTONI (tra sé)
Là fogu ci depiressit genti… spereus chi m’acullant…e mi dongat unu buconi de cosa de papai

CANE che abbaia.

COIXÈDDA (all’improvviso con falce… compare dal fuoco e…)
Chini ses… Aundi ses andendi?

ANTONI (lo guarda perplesso… e rallenta il passo…)
Seu andendi a domu…

COIXÈDDA
Firmarì… gei ses impressiu!

ANTONI
Seu scapendi immoi de traballai e tengu unu pagu de pressi… una cosa meda urgenti de sbrigai…

COIXÈDDA
Fiast a traballai? E cantu dinai ses portendi a domu tua?

ANTONI
Nudda! Poita sa giorronada m’est serbia po ponni sentiru e po tenni bona sorti…

COIXÈDDA
Traballu chi non donat guadangiu est trumentu po su corpus e po s’anima…

ANTONI
Potanti totu benit e andat, ma abarrat sa bolontadi de sighiri sa luxi chi mi portat a domu…

COIXÈDDA
Poita non fais una cosa chi ti consìgliu deu?
Has a benni a biri, chi mi ponis a menti has a torrai a domu tua ricu…
E ti poris comprai totu cussu chi disijas, tui e a totus cussu chi bolis tui!
Biau chini est ricu, cumandat su mundu …

ANTONI
Su dinai non fait domu!
Trist’ ‘e miserinu de chini sighiri sa richesa facili… cussa est meda perigulosa.
Ma… tui chini ses?

COIXÈDDA
Deu seu s’atera faci de su mundu… e pozzu fait totu su chi non si porit in celu. Seu sa fini de su beni!

ANTONI
Ma… chini ses?
COIXÈDDA
Ma tui allogiast in sa mata de sa istrìa?

ANTONI
No! Non sciu manchi chini siat. Allogemu aund’ ‘e Salomoni e immoi seu andendi a domu.
Poita non rispundis?… chini ses? (guarda il tutto molto preoccupato…)

MUSICA

COMPAIONO DEI DEMONI CON TRIFORCHI (le VOCI misteriose sono un eco musicale in
VARIE LINGUE che incutono paura…)

COIXÈDDA DEMONI
Andendi seis? Seus andendi!

COIXÈDDA DEMONI
Seus andendi? Andendi seus!

COIXÈDDA
Po tenni cussu chi hant disijau in vida, crediant de fait su tiàulu a cuatru po ddu tenni…
…ma su tiàulu hat bintu…
Binciu sempri. ! Sceti una borta hapu perdiu… ma est de diora… Sa genti si nd’est giai scarescia…

ANTONI
Rispundi … Chini ses?

COIXÈDDA
Aundi c’est pagu fogu… unu pagu de mei est inguni !
Ma aundi c’est sceti fogu, cun genti sartiendi… deu ci seu totu!

MUSICA

ANTONI guarda i piedi de COIXÈDDA, lo riconosce scappa ed urla…
COIXÈDDA si contorce, si dispera perché è stato mascherato e…scompare nel nulla… ridendo….

ANTONI (si ricordò del consiglio che il saggio Salomone gli aveva dato e…)
Arrori mannu, legisceddu est… Mellus chi non fessit mai nasciu…o forsis d’heus fatu nasci nosu.
Forsis? No, no, su mali d’heus fatu nasci nosu…
Benedittu su meri po su consìgliu: “Sa richesa facili, portat poboresa de sa grazia de Deus!”
Non ddu murrungiu su scudu chi dd’hapu donau.

MUSICA

POCO DOPO compare misteriosamente: SA ISTRIA, la quale riesce ad attirare le attenzioni de Antoni, chiedendogli aiuto. Antonio è esausto, non sa che fare se proseguire o aiutare quella povera vecchietta…
Antoni l’aiuterà…la vecchia ringrazia e…

SA ISTRIA
De aundi benis? Aundi allogias in su corru de sa furca?

ANTONI
Femu caminendi in sa Luxi de sa beridadi, ma pagu tempus fa, hapu incontrau sa tentazioni.

SA ISTRIA
Chi has biu a Coixedda bolit nai ca ses passau in su corru de sa furca
Non ddu sciriast ca de is malis de sa vida, tocat a pigai cussu si fait prus pagu mali?
Aundi ses andendi?

ANTONI
Seu torrendi a domu, mancu de diora…
Mancu de candu una maladitta de noti in su lominaxu de domu, hapu agatau un omini mortu.
De sa timoria chi non circhessint a mei… mi nci seu fuiu.
Hapu traballau in domu de su sabiu Salomoni… e immoi seu torrendi de aundi seu fuiu.

SA ISTRIA
(ride) Ah! Hapu cumprendiu chini ses tui!
Meda genti est circhendirì. La, finzas a pagu oras fa… un scantus ominis m’hant pregontau chi t’hemu biu.
E de coment’ ‘e tanti pintau, t’hat assimbiliat.
Ma castiendirì beni… ses propriu tui… Ses tui, lintu e pintu!

ANTONI
Ma ses sigura de cussu chi ses narendi.

SA ISTRIA
(giura) Mi biant morta chi non nau sa beridadi!
( gli mostra oltre il sentiero degli uomini) La, ddu sus bisi? Funt andendi in calincunu ateru logu.

ANTONI
Ma ses sigura ca funt circhendi a mei?

SA ISTRIA
(giura) Mi biant morta!
Bosatrus timeis finzas cussu chi non c’est. Ma non tocat a timi, poita candu arribat s’ora… est sa fini.
Inzandus non ci seis prus… Po de badas si timit!

ANTONI
Ma ita ses narendi?
Poita chistionas aici?
Chini ses?
SA ISTRIA
Non m’abetiast? Ddu scint totus ca tocat a mi pensai ad sumancu cincu bortas a sa die!

ANTONI
Una pariga de bortas a sa die… arrasu a Deus po dda ringraziai de sa vida e po porri caminai in bon’ora.

SA ISTRIA
No, cussu est un atera cosa… sa genti sa regordat prus de mei!

ANTONI
Candu chistionas, non ses po nudda clàra… Chini ses?

SA ISTRIA
(si mostra) Non si biri chini seu? Seu sa fini e seu circhendi Vida.

ANTONI
Ma chi innoi s’unica cosa bia, est su treulu de cussas carrogas…
Cussas maledittas de bestias non serrant su biccu né aderì e prus pagu a su noti!
Ma chi ses circhendi a Vida poita ses in custu logu sperdiu? (guarda il tutto molto preoccupato…)

DAL NULLA COMPAIONO DELLE PERSONE VESTITE DI NERO passeggiano e poco dopo scompaiono (le VOCI misteriose sono un eco musicale in VARIE LINGUE che incutono paura…)

MUSICA
SA ISTRIA
Chi dd’hat nau ca non c’est nisciunus? Là… castia! Ci nd’est genti…

SA ISTRIA MORTI (tristi)
Benias seis? …Benias… seus!

SA ISTRIA MORTI (tristi)
Prexaras seis? Eh! ….femus… prexaras!

SA ISTRIA
Poita, propriu aundi non c’est Vida, ci seu deu.
Trist’ ‘e miserinu de chini non m’abetat.
Non ddu sciriast? A mei e a un Ateru non si porit fuiri.

ANTONI
Ddu sciu… non poreus fuiri anant’ ‘e is cosas chi si ghetant de pagai.

SA ISTRIA
Ma non seu chistionendi de is cosas de bosatrus. Custu logu est sa fini…

ANTONI
E inzandus non ddu sciu a ita non c’est remediu! Poita a mei m’abarrat sa speranza de su cras….

SA ISTRIA
Totus is ominis bolint andai in sa santa gloria po stai mellus… Ma nisciunus bolit morri.
Ddu scis spiegai su poita? Forsis timint un atera vida? O non ddi si praxit sa morti?

ANTONI
Po nai sa beridadi beridadi, deu unu pagu dda timu…

SA ISTRIA
Ma tui ses biu?

ANTONI
Po … immoi… e speru chi siat ancora po meda….

MUSICA

VOCE FUORI CAMPO:
VOCE
Dd’hapu bia Cussa….
Fiat circhendirì.
Candu s’est acatara ca da femu castiendi s’est acuara, e immoi ti hat agatau…

MUSICA
VOCE (cambiando tono…)
No est berus, faulancia. Sceti deu connosciu Cussa. Bessit in dogna momentu!
E ndi suciat finzas su sanguini de is pipius.
Arrori mannu! Fait a dda timi.

MUSICA
SA ISTRIA (si agita per zittire la VOCE)
Citeisì pillonis maladitus!
Funt narendi faulasas. Is istrias no esistint. Genti mala c’est, aterus che istrias.

VOCE
No siast faulancia. Narat sa beridadi.

SA ISTRIA (si agita per zittirla)
Citeisì, pillonis maladitus.
Funt farendi a malus, po mi fai inchiettai, poita custu mengianu no dus hapu donaus a papai…
Aici scramentant!

VOCE
Certu, ca sa genti sparressit… Tui cun unu muntoni de trampanas, dda sas promittis maris e montis…
Ti creiri, si firmara e tui ndi dda pinnigas.
E candu sparressit, tui incumenzas a satai de su prexu
Ndi bolis pigai a totus, Aici s’annu chi benit non c’est prus Vida…
Abarras sceti tui. E de su prexu satas!

SA ISTRIA (comincia a pestare i piedi come un’ossessa e grida…)
Citeisì dimònius, ddu fareis azicai e poi no si firmat, e chi no si firmat deu non di ddus pozu pigai.

MUSICA

SCENA BUIA e FUMO SA ISTRIA è trascinata e sparisce nel nulla urlando:
Lassaimì in paxi, dimònius, dimònius maladitus…Lassamì in paxi, dimònius, dimònius maladitus…Lassaimì..

LA VOCE RIDE…

ANTONI
Arrori, legiscedda est… Coment’ ‘est de bisùra est de operas.
Beni pagaus is consìglius de su meri miu:
“Non toccat mai lassai sa ruga connota, po cussa chi non conosceus” E… tot’una torrai a su connotu!

MUSICA

COMPARE UOMO che assomiglia al saggio Salomone, ha la sua stessa voce, gli stessi abiti, ma è un tipo molto bizzarro. Forse è il saggio Salomone, forse… fa cenno con la mano ad ANTONI d’avvicinarsi…

SCENA ILLUMINATA.

UOMO
Bisi, ca ti ses azicau? It’est …Cussa no ti praxit? No dda timas!
D’has intendia zerriendi: <<Dimònius, dimònius maladitus, lassaimì in paxi!>>

ANTONI
Ma… poita zerriat dimònius?

UOMO
Bisi, Cussa est in dogna logu po tentai sa Vida, poita no ddu sciriast?
E dogna borta est diversa aici sa genti non dda connoscit e ci ruiri.

ANTONI
Poita no dda conosceus?

UOMO
Bisi, Cussa porit essi unu cani biancu chi bius in sa bia, una crabra, su bantu malu chi timeis o calincuna cosa chi no conosceus. Porit essi finzas un omini cun is peis de burricu…
Tui, faimì a biri is peis?

ANTONI (si guarda intorno molto preoccupato e spaventato)
Ma, Inzandus, comenti fareus a dda riconosci?

UOMO
Bisi, nosu non dda poreus riconosceus. Est Cussa chi si biri e si zerriat.
Ascurta: candu fiat giòvunedda, Cussa biviat in su sartu e teniat dogna grazia de Deus.
Teniat su dinai cuau in su muru e is dies bonas ddu poniat a isciutai. in logu chi nemus poriat biri.
Ma ascurta cantu fiat rica, fiat mala…
Sa mamma, fiat meda maladia e teniat bisongiu de mexinas e de bonas cosas de papai.
Cussa, de sa grandu malesa, nariat ca no teniat mancu unu soddu, po no tocai su dinai chi teniat allogau.
Sa mamma zerriiat de is dolori chi teniat, e Cussa abetendi chi moressit; aici dda lassàt sa conca in paxi
Dda hat fata morri a finigonis.
Po cussu puru, de inguni ci di hant bogara a sonu de corru.

ANTONI
Coment’ ‘e hat fatu, hat tentu!

UOMO
De inzandus, ndi est benia a bivi a innoi.
Finzas de bia, asuta de domu sua tenit medas mortus.
Cussa ddu hat mortus, po porri binci de bia, sa Vida.
Ma no fiat dimòniu, incrinazioni mala fiat…
Una die, po Cussa puru est arribara s’ora mala ndi di hat pinnigara….
Farendida andai aundi non boleus!
Bisi, sen’ ‘e sa grazias de Deus est diventara, issa ‘e totu, sa Morti pillosa.

ANTONI
Su stessu peccau, dd’hat portau a penitenzia!

UOMO
Non ti ndi ses acatau? Ndi boliat pinnigai a tui puru, po porri contai de prus…
…e binci sempri de prus sa Vida.

ANTONI
Ma poita dda zerrias Cussa?

UOMO
Bisi, a Cussa non fait mancu a dda nominai…rigordarì de Cussa, ma non dda zerrist!

ANTONI
Po cussu teniat cussa bisùra!
Tui rexonas beni, coment’ ‘e su saviu Salomoni…

UOMO
Bisi, s’omini chi a trint’annus non tenit sentiru, a coranta non est sabiu, e a cincuant’annus perdit totu…
Bisi, s’omini chi passat e non castiat chini incontrat…O sballiat o inzertat.

ANTONI
Depist essi un omini chi connoscit beni sa vida e is sentirus de is aterus.

UOMO
Bisi, sa vida e is sentirus de is aterus non si porint cumprendi si tui non bivis e non ascurtas

ANTONI
Inzandus tui has ascurtau meda, e mi hat a praxi a sciri medas cosas…
ma tengu unu pagu de pressi…
Hapu biu unu chi mi promitiat de mi fait diventai ricu… nariat de tenni dinai cantu acua in mari…
Ma de custa partis su dinai non si traballat?

UOMO (cambia voce)
De certu no!
No chi nisciunus ddu traballat o nd ddu pigat!

ANTONI
Comenti mai cussu teniat meda dinai… meda po ndi porri donai unu muntoni a mei?
UOMO
Bisi, issu teniat unu mari… est nasciu in mari.
Poita su mari fiat giai de s’aiaiu.

ANTONI
Ma chini fiat?

UOMO
Dd’hat pregontau chi hiat biu una sirena… Ta cosas bellas is sirenas..
Nd’hemu a bolli biri a su mancu una prima de morri… Is sirenas…
Bisi, depiat essi unu piscadori, o unu marinaiu, unu pisci, ad sinunca unu chi traballiat in mari chi ti hat nau ca dinai ndi teniat unu mari.
Ascurta pagu pagu, poita non dda pregontau a issu… ca sciollorias a mei?

ANTONI
(tra sé) Custu est totu macu!
(all’Uomo) Chini fiat Cussa chi nariat de circai sa Vida in custu logu sperdiu…
aundi s’unica cosa bia funt is carrogas?

UOMO
Ma ita bolis in prus de sa Vida!?
Agatas sa grazia de Deus e ci dda bolas?
Ti bolit donai dinai, sa vida…. E tui murrungias…
Murrungias che pisittu papendi prumoni!

ANTONI
Chini sunt?

UOMO
Ma si ddas pregontau chi hant biu bacas bidris o bestias cun d’unu corru?
…Faint diventai ricu.. e ti poris comprai totu cussu chi bolis. Ma, su spantu est ca su dinai no spacia mai. Prus spendis, prus ndi tenis.
C’est una cosa chi non poris fait: torrai in vida is mortus; custu sceti Deus porit…

ANTONI
Inzandus, non scis ca sa vida non ta regalat nudda e totu cussu chi bolis ti ddu depis guadangiai cun su sudori de sa fronti? Poita s’omini fatu cun dinai facili non balit nudda.
Bogamindi una crosidari: tui chini ses e poita ses in custu logu sperdiu?

UOMO
Non ddu bisi ita seu farendi? Contu is oras…abarrendi meda atentu chi non acresciat o smenguat…
e in su mentris castiu me is ogus su soli… e ddi consìgliu is oras de arziai e calai beni…
e a su noti ddu fazu cun sa luna.
E dogna mort’ ‘e Papa, candu su soli e sa luna si incontrant…
abarru in pensamentu, abortas chi non s’acostint meda…
Bisi, custu est traballau de grand’ abilenzia e impegnu!

ANTONI (lo guarda perplesso, si allontana e…)
Poita, s’omini diventat aici? Forsis, poita tocarat a nosu dezidi e scerai.
A custu ddi mancat sa mellu die de s’annu.
Gei fiat un’ora bisi che bisi… Gei non ddi mancat nudda! Tenit pagu de si bisai…
Beni pagaus is consìglius de su meri miu:
“Abarra atentu de chini bolit fait bella presenzia cun is bellus fueddus…
poita is bellus fueddus sunt coment’ ‘e su bistì beni, fai fait bella presenzia finzas a su burricu!”
Arrexoni teniat.
Speru, chi Deus m’agiurit, e mi donit sentiru; aici hapu cumprendi, ca sa Luxi de sa beridadi est cussa chi depu sighiri. E chi Deus mi campat de dannu hapu arribai a domu

ANTONI guarda in lontananza e vede la sua “casa”
Ha fame apre la borsa, prende la focaccia la taglia ed escono i tre scudi che aveva dato al saggio Salomone per i tre consigli.
E…
Beni pagaus is consìglius de su meri miu; chi Deus ddi dongat vida, cantu bonesa e sabieza tenit!

BUIO (addormentato… il pane per terra… si sveglia, lo guarda e…)

LUCE – MUSICA

DAL NULLA COMPAIONO DEI FOLLETTI, DELLE FARFALLE …
…prendono per mano ANTONI e lo conducono verso “casa”.

FINE

SIPARIO

SU SABIU – I ATTO

Immagini collegate: